當年今日
關於我們

李八方online︱印30萬單張反明日大嶼 尹兆堅告誡建制派:係咪要為咗撐林鄭將自己釘喺恥辱柱?

蘋果日報 2020/11/25 20:04

尹兆堅明日大嶼林鄭恥辱柱

「沒有最差、只有更差」,對現有政權似乎係好貼切嘅形容。特首林鄭月娥撤回開位建議,意味原本排喺後面、涉5.5億元嘅明日大嶼前期工程撥款可以喺周五(27日)提交財委會審議,最快即時批核,千億工程眨吓眼就可以通過。民主派即使離開立法會,都好關心事態發展,民主黨尹兆堅上星期就印咗30萬張單張,列舉反對明日大嶼嘅理據,阿尹經常話明日大嶼殺到埋身,點知一語成讖。
尹兆堅話,30萬張單張已經分別喺上星期入晒新界西公屋嘅信箱,同埋喺街頭派發畀市民;佢當時就係想醞釀社會氣氛,等財會審議明日大嶼時市民都知發生咩事,點知政府咁離譜,竟然撤回所有開位申請,令到市民好快就要面對單張上所講,敗盡香港人錢、小白象工程嘅問題。
睇嚟明日大嶼勢在必行,尹兆堅強調明日大嶼其實「明日大伏」,無評估需求、倒錢落海,佢提醒建制派要小心做決定,否則敗晒香港人嘅身家,「佢哋諗清楚,係咪要為咗撐林鄭,將自己釘喺歷史嘅恥辱柱之上呢?」
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁