當年今日

  港大樓神助校勁賺二千萬 - 李八方

蘋果日報 2004/05/19 00:00


噚日係開張吉日,除咗澳門嘅美資新賭場,唔少店舖都揀喺噚日開張,搞到港大校長徐立之鬼死咁商業化,一日要踩足三場開幕騷。八方去睇徐校長嘅港大中醫藥學院教研中心嘅開幕禮,重無意中發現咗港大原來有位一直鮮為人知嘅「港大樓神」!呢位點石成金嘅高人,就係港大中醫藥學院院長(行政)陳廷漢教授。
陳教授除咗醫術精湛,投資眼光更加獨到。陳教授致開幕辭嗰陣,臨場爆肚話,喺中環嘅中醫藥學院教研中心會址,當初買落,樓價只不過係三千幾蚊一呎,𠵱家呎價已暴升到九千至一萬蚊!港大嘅資產無端端賺咗成二千幾萬!唔怪得徐校長致辭時,口氣十分之江湖,嘻皮笑臉咁祝賀陳教授「開張發達」啦!
(圖)「港大樓神」陳廷漢教授(左)買樓眼光獨到,徐校長(右)一於劏豬賀賀佢。



傳真︰2623-9278
電郵︰[email protected]