趙學而同黃建東今日喺尖沙嘴出席開幕活動，向來鍾意食嘢嘅學而，最鍾意食中國菜，包括粵菜、上海菜、四川菜，其次就係日本菜，佢話：「平時我都有煮輕巧嘅菜式，過年就會煮鮑魚、煲雞湯。」問到老公同朋友嘅食評，學而笑住話：「梗係讚不絕口啦，我曾經煮蝦醬蒸肉青，有個女性朋友添飯之餘，仲要食到舔碟，所以家庭小菜係難我唔到，至於鮑參翅肚仲鑽研當中。」

提到今年4月開完演唱會，問學而幾時再搞part 2？佢話：「我都知大家喺度催促緊我，呢方面交番畀同事去搞，我就隨時都ready。」會唔會再出碟？佢表示暫時唔會出住，因為Hi Fi碟市場已經飽和咗，就算要再出碟都要睇下用乜形式。

精選娛聞，喺晒《娛果》
http://fb.com/appledailyent