同宅男女神周秀娜甩拖8個月嘅陳偉成(Avis)，火速換畫4次，今次似乎肯做「有腳嘅雀仔」，噚晚正式拖住新歡o靚模尹蓁晞(Yumi)出嚟見人，對於Yumi曾經被指援交等等傳聞，愛到盲目嘅Avis一於少理，話過咗去嘅嘢無謂再提啦。

兩位凌晨時份都有喺微博更新，再次放上合照，Avis就Tag咗女友話:「事情告一斷落，不想那麼煩，新生活要好好過，請祝福我吧」之後再加多句:「感恩有妳」

Yumi就回應:「不需要理會其他人說什麼，我們幸福是最重要。」咁暗示同Avis拍過拖，又同Avis現任女友Yumi同居嘅「柑桔」陳蕊蕊又有咩反應呢?佢只係喺微博放咗張相寫住:「沉默是金」，噢，明晒。