即將開演唱會嘅黃翊，今日到商台宣傳接受麥長青（麥包）嘅節目訪問，阿翊表示今日除咗宣傳演唱會，仲向麥包取經，分享同子女相處心得：「因為麥包兩個小朋友一個十八歲，一個十五歲，我個仔就十三歲未到，所以真係要請教吓。」麥包話：「做得我哋呢一行心境較年青轉數亦快啲，同小朋友相處通常會比較容易。」

講返演唱會，黃翊話近來好忙好攰：「因為呢排Keep住入健身室操肌肉，操咗一排已經有小小成績，但係我未滿意。我成50歲人，最緊要操番條腰，早兩日教練見到都覺得我要再努力啲。」除操肌外黃翊話嚟緊仲要排舞，佢話：「始終隔咗咁多年，排舞師要我慢慢嚟，要由淺入深咁提升返狀態。」

精選娛聞，喺晒《娛果》
http://fb.com/appledailyent