韓劇《想你》男星俞承豪本月4號退役，佢未退役前已經有唔少工作安排，當中已落實會接拍新片《朝鮮魔術師》，噚日有關方面亦透露女主角已決定由韓劇《你們被包圍了》女星高雅娜主演。

而俞承豪退伍後亦將會展關粉絲見面會，噚日佢就終於復工係首爾舉行見面會，佢仲好細心，知道近日蜂蜜薯片HIT爆韓國，一包難求，所以佢就送畀粉絲每人一包薯片呢。係見面會現場，俞承豪不時大做心心手勢冧粉絲，又自爆屋企依家有兩隻貓貓，兩隻貓都係佢入伍前買嚟送畀媽咪，等媽咪係佢入伍時唔好咁寂寞，真係孝順。