其實,查太入局相信同佢身兼滙豐銀行獨立非執行董事有關,滙豐作為交行嘅策略投資者,梗要搵人睇實檔嘢,連同王冬勝及滙控獨立非執董馮國綸已經係交行董事會,加埋交行副行長葉廸奇,將會有四個滙豐代表喺交行。
查太自從前年10月獲老董委任為行會成員,嘅行情一度令人看漲,點知唔夠半年老董就落台,煲呔上場,成個局唔同晒,查太喺行會分工嘅名單中,連佢最熟行嘅財經事務都冇得沾手,只係負責經濟發展及勞工,同埋環境運輪及工務。就算證監會同港交所主席要轉莊,以查太做過證監副主席,呢兩個監管機構嘅主席位都輪唔到佢,可幸嘅係查太做過中國證監,喺內地仲有個中國證監會國際諮詢委員會副主席嘅職位,都未算投閒置散。
李華華
讀者如有任何意見或報料,歡迎發送電郵至
[email protected]。