當年今日
關於我們

3大拍片手機蒲點效果大測試

蘋果日報 2004/01/10 00:00


手機自從加入鏡頭之後,玩意愈來愈多,除咗影相之外,部份高價啲嘅機種更設有拍片功能,雖然質素唔算得上高超,不過叫做多樣野玩,彌補影相不足之處。而今日就搵嚟時下3部拍片手機,除咗試試邊部最好拍、最易拍之外,更去到K場、商場等蒲點,睇睇效果又係點,等大家可以隨時蒲隨時拍!
記者:劉耀祥
攝影:陳偉強
ImageGirl:Wendy
影相手機現時真係成行成市,不過兼具拍片功能,價錢就相對較貴,而今次就試試SonyEricssonP900、Nokia7600同MotorolaA760,三部都具有30萬像素鏡頭,睇睇邊部先可以拍得最就手。
empty
SonyEricssonP900
$5,688(中文版)
empty
NOKIA7600
$3,888
empty
MotorolaA760
$3,588
操控篇
P900設定多花款
用手機影相不嬲都玩意多多,既可以加閃燈,又可以加相框,不過拍片就相對少嘢玩好多,3部之中較為多拍片設定嘅就要數SE嘅P900,除可以自行調較畫面光暗及對比度之外,更可以調校環境模式,室內室外都有得自己揀,以及選擇儲存於機內記憶體或者記憶卡都得,聲音及畫面都有三級調校。論拍片長度亦以P900居首,長度完全視乎記憶卡容量,一張32MB可連續拍足10分鐘,而Nokia7600就有29MB記憶體,每段最長可拍2分半鐘;MotorolaA760就有32MB記憶體,有四種光暗模式及效果設定,每段短片最長2分鐘,雖然都唔算短,但當然以P900的無限任拍過癮得多。
重播畫面中,以P900及A760設有全螢幕重播,不過由於解像度唔高,起「狗牙」、鬆朦情況就走唔甩。值得一提就係A760重播音量極大,重播時會出現拆聲情況,而且重播中不能調校音量,所以睇片就記得冇乜人喺隔籬先好睇。
empty
empty
■A760機背有個大喇叭,聲量十分足夠,不過若開最大聲會有拆聲情況。
empty
■P900及A760都可以全螢幕播放影片,但大畫面則會出現起狗牙情況。
empty
■播放K房所拍得的影片,比起在電腦上觀看更為清晰。
測試篇
K房
7600夠光猛
去唱K影相張張都差唔多,來來去去都係拎住支咪,所以拍片就最好玩,又可以錄低晒走音蝦碌過程,而且加上K房環境昏昏暗暗,對拍片手機更係一大考驗。3部30萬像素相機以7600最出色,不論喺電腦度睇定用手機即時重播,整段片質素都為三機之冠,畫面夠光猛不在話下,而且重播速度流暢,聽歌都唔會窒吓窒吓。而P900及A760雖然可以用全螢幕睇番補數,不過論整體清晰及光亮就不及7600,尤其P900更出現「黑面神」情況,記得開大啲盞燈先好影。
empty
7600
■三機之冠!畫面光度充足,只靠室內燈光都有此效果,相當難得。
empty
A760
■人物同背景都算光猛,不過整體感覺較「灰」,效果只係中規中矩。
empty
P900
■光度略為不足,令人物未能清楚睇到,以及背景都較黑,而聲效則相當清楚,未有雜音出現。
商場
顏色濃厚P900
去完唱K,行商場都係最多人鍾意做嘅活動之一,而商場內光線雖多,但光源較難捉摸,隨時都會出現時光時暗情況,不過喺K房測試表現欠佳嘅P900反而效果最好,顏色最為豐富,雖然影像較為模糊,不過前後景都可以睇得到,乃三部機之中效果最為出色。而A760及7600顏色表達能力較弱,色彩表現都趨向淺淡,尤其於電腦中觀看稍為有黑白片Feel。最後一提就係三部機於流暢度及收音方面都相當唔錯,重播片段都相當出色,處理圖像能力完全合格。
empty
P900
■整體顏色顯示十分濃厚,令可觀性大增,而且畫面相當Smooth,只係有少少朦,未有起狗牙情況。
empty
A760
■人物顯示模糊,光度亦較為不足,不過亦可睇到人物面部表情。
empty
7600
■「爆格」情況嚴重,相比於K房測試,今次就遠為遜色。