菊梓喬（Hana）今日喺商台宣傳，佢入行剛一年，打算稍後舉行首次歌迷會聚會，遲吓搞活動同歌迷做義工。自吳若希產子停工，Hana包辦好多劇集主題曲，喺大台季度歌曲選舉，菊梓喬連拎兩個獎，走勢迫贏「師姐」，但有傳對方好快回歸，菊梓喬話：「唔好咁講，佢仍然係一姐，每個人唔同唔好比較。」

有指老闆讚Hana聽話而被力捧，問佢會唔會突然閃婚或有BB，佢話：「佢覺得我自律，我都會警惕自己，依家世代生小孩好難，唔使話老闆俾唔俾我生，生BB係自己事，但自己冇信心教得好，養寵物好過。」