大陸影星王寶強2016年喺微博宣佈同結婚7年嘅馬蓉離婚，原因係馬蓉同自己嘅經理人宋喆搞婚外情(新聞連結： http://bit.ly/2C9bhJi )，事件曝光之後，被指偷偷私下轉移王寶強財產嘅馬蓉，委托律師立案起訴王寶強喺微博侵犯名譽，要求刪除微博並賠禮道歉，又有傳馬蓉帶仔女移民(新聞連結： http://bit.ly/2xZgM81 )。

直到今年9月，宋喆因涉王寶強離婚案相關問題，於近日被警方扣查，有傳罪名可能涉嫌職務侵佔(新聞連結： http://bit.ly/2jNRMPa )，有傳馬蓉曾經為咗呢件事，親自聯絡王寶強求佢放過宋喆給一條生路，但係兩個當事人都冇回應過呢件事！

受盡千夫所指嘅馬蓉，噚日(25號)喺微博發聲明，佢聲稱自己嘅微博「金耳朵兔子」喺舊年8月18日開始唔可以登入，直到今日先可以恢復使用權，所以佢唔知喺8月20日嘅微博留言係出自邊個嘅手，佢會對呢啲冒名者對家人造成嚴重傷害採取法律行動。

對於王寶強嘅離婚聲明而引發社會輿論，馬蓉話：「作為一位年輕但不妄為的母親，我在第一時間想到的並不是聲嘶力竭的去捍衛自己的尊嚴，我想做的只是竭盡一切能力去減少這件事情對兩個孩子的影響，因為這是一個媽媽最基本的責任與本能。」對於呢段婚姻，馬蓉話佢只想說一句：「十年家庭，生兒育女，付出所有，問心無愧！我相信『以事實為根據，以法律為準繩』的中國法律會給出公正公平的答案。」

馬蓉仲話今次係對王寶強第一次，亦都希望係最後一次喺網路上對話：「一個家庭的變故本不應成為社會話題，但事已至此，你可以繼續說你想說、做你想做。但作為一位父親，希望你可以思考下你的所言所行是否會對兒女的身心健康及成長造成傷害？也希望你做好了面對孩子們長大成人後目光的準備！」

之不過喺今個月初，馬蓉另一個微博，已經回應當日王寶強嘅聲明，佢仲貼咗好多相，大部份都係同小朋友有關，一係陪佢哋做功課，又或者係幫佢哋準備嘢食，一切都似乎有備而嚟，相信事件仍未可以告一段落！

更多娛聞，喺晒《娛果》
http://fb.com/appledailyent