由韓國型男玄彬夥拍朴信惠主演嘅tvN新劇《阿爾罕布拉宮的回憶》，噚晚播出第8集，收視比上集升咗成1%，錄得8.504%，創開播以來新高。

噚晚一集講到朴信惠得知玄彬一直安排秘書假扮細佬世燦後，喊住質問男方，玄彬只好公開佢呢一年來嘅調查，朴信惠叫玄彬唔好再聯絡自己，玄彬話自己應該真係搵到燦烈後先見朴信惠，朴信惠就反問佢點解要嚟，玄彬即話：「因為想見你。」

而玄彬一直不眠不休去苦練「AR擴增實境」遊戲，希望能夠升至level 90，咁就有機會發現燦烈失蹤原因，結尾玄彬似參透到點樣聯絡燦烈嘅方法。

下集預告中，燦烈打電話給朴信惠話掛住家姐，似乎燦烈終於回歸，而朴信惠似乎因為收到燦烈電話後感到安心後落淚，玄彬就幫佢抹眼淚，兩人感情升溫。

精選韓流，喺晒《娛果》
http://fb.com/appledailyent