葉家寶早前透露,話會同王維基有一個合作,喺今日5點前就要回覆王維基,(新聞連結: http://goo.gl/Bl4ElS)。今朝早葉家寶就返咗亞視,喺12點左右,佢就離開亞視出去食飯,不過就冇接受訪問。
而今日喺亞視大堂,就見到一張夾雜住簡體字嘅紅色嘅橫額,係由泰山公德會送畀亞視嘅,上面就寫住:「亞視領導層暨全體職工們:你們敬業精神可嘉希望堅守到最後關頭為廣播從員爭光,為亞視及全港市爭光讓歷史不忘你們的貢獻和光煇。泰山公德會全體同仁致意」
而到咗5點嘅時候,葉家寶就坐車離開亞視,冇接受媒體訪問。