【更新內容】第74屆金球獎頒獎禮（74th Golden Globe Awards）今日舉行，由Damien Chazelle執導嘅愛情音樂劇《星聲夢裡人》（La La Land）可謂今屆最矚目作品，電影共獲7項提名，包括電影音樂/喜劇組別嘅最佳電影及最佳導演，而片中男女主角賴恩高斯寧（Ryan Gosling）及愛瑪史東（Emma Stone）亦有份角逐影帝影后殊榮。

金球獎開始前，先由主持人Jimmy Fallon化身賴恩高斯寧重演《星聲夢裡人》情深彈琴戲碼，Tina Frey就扮Emma Stone，之後Jimmy Fallon就同男歌手Justin Timberlake惡搞片中夢幻升空場面。

結果《星聲夢裡人》果然成為大贏家，愛瑪史東大熱捧走電影音樂/喜劇組中奪得最佳女主角，賴恩高斯寧更於電影音樂/喜劇組中奪得最佳男主角，打敗《死侍：不死現身》（Deadpool）主角賴恩雷諾士（Ryan Reynolds）、哥連菲路（Colin Farrell）及曉格蘭特（ Hugh Grant）等對手，賴恩雷諾士上台時除多謝拍檔愛瑪史東及導演外，更sweet爆話多得另一半伊娃文迪絲（Eva Mendes）於背後支持，更多謝二人嘅囡囡。

有份參演嘅男歌手John Legend就出席介紹《星聲夢裡人》，而電影就先拔頭籌贏得最佳電影原創音樂，由作曲家Justin Hurwitz上台領獎，而片中歌曲《City of Stars》亦獲頒最佳電影歌曲，作曲家Pasek & Paul領獎時多謝戲組，將獎獻給所有喜愛音樂劇嘅人。同時，《星聲夢裡人》亦奪得最佳劇本，而最佳導演」，由Damien Chazelle更奪得最佳導演，Damien喺台上話：「我暈暈地，多謝晒，我最想多謝排舞師、攝影師等等，特別係副導演，多謝你幫我封閉全條公路拍戲。」其實1974年上映嘅經典電影《飛越瘋人院》（One Flew Over the Cuckoo's Nest），於75年曾錄得6項提名全勝創舉，相隔42年就由《星聲夢裡人》7項提名全中刷新金球歷史紀錄。