李八方online︱網傳中聯辦不滿《香港志》提「主權移交」 香港地方志中心否認稱如期出版
蘋果日報 2020/12/10 23:35
施政報告中聯辦香港志董建華
有傳聞話中聯辦唔滿意《香港志》入面用「主權移交」形容香港回歸，認為應該係「治權移交」先啱，結果搞到全部印好嘅書都要銷毀。
特首林鄭月娥份施政報告嘅《附篇》第二章最後一點提到，由民政事務局支持香港地方志中心整本《香港志》出嚟，名義上話係「記錄香港的發展，推廣本地的歷史、文化和傳統」，實際上係咪杜撰歷史？睇過先知。不過有傳聞話書中有4個字得罪咗中聯辦，搞到全部要銷毀，大家點睇？
「香港地方志中心」係由全國政協副主席董建華創立嘅團結香港基金成立，由佢哋嚟寫香港史，公信力如何大家心中有數。有傳聞話中聯辦唔滿意書入面用「主權移交」形容香港回歸，認為應該係「治權移交」先啱，結果搞到全部印好嘅書都要銷毀。
「香港地方志中心」由全國政協副主席董建華創立嘅團結香港基金成立。資料圖片
香港地方志中心：絕不因個別機構或人士意見作修改
香港地方志中心回應時就就話，《香港志》嘅第1冊《總述 大事記》已經印緊，如期今個月底出版，強調「絕對沒有任何銷毀事況」，而且本書係經過「廣泛諮詢專家、學者、相關機構」嘅意見，「絕不會因個別機構/人士意見作修改」。
而改歷史呢招，香港警察幾年前都用過啦，被揭發後就改返正。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！