朱慧敏今日到灣仔dbc電台接受吳綺莉主持節目訪問，朱慧敏身邊多咗位親戚auntie做助手，令她更放心。朱慧敏日前首次往返大陸晚上登台，搵人仔興奮之餘，見到粉絲熱情感覺像被愛包圍一樣，佢話最初都擔心治安同粉絲太熱情有不便，但結果反應好好，仲有招數以防出醜態，朱慧敏話：「我會著平底鞋，本身著高踭鞋唔叻，自己識跆拳道，唔驚有事發生。」

莊思明同揚明拍拖，女方仲大方到吉隆坡探班，進展火熱，朱慧敏曾經同兩人合作拍劇，佢話：「恭喜佢哋，男係好仔，女又好女仔，希望開花結果，以我知佢兩個對愛情都好專一，唔係玩玩下，我會留言恭喜佢地，叫佢哋嚟華星食飯賀一賀。」