【李八方online】涂謹申孖咖喱范合唱 邊個聽到掩嘴笑?
范國威補選李八方
千唔千祈好錯重點!主角係唱歌嘅涂謹申同范國威,而唔係旁邊掩嘴笑嘅鄺俊宇呀。易仰民攝
3.11除咗係立法會補選日,其實仲係民主黨立法會議員涂謹申55歲生日,阿涂今日專登去到大圍,為前黨友、新界東補選候選人范國威打氣,壽星涂笑稱,佢支持嘅人一定唔會輸,因為「生日大哂」。
阿涂出席范國威嘅宣傳活動時,除咗送上壽星公嘅生日祝福,更加同咖喱范高歌一曲,咖喱范大爆佢噚日造勢時所唱嘅「勝利雙手創」,係十幾年前阿涂教佢,當年佢哋去台灣觀選,阿涂就帶領成個旅遊車嘅人學唱呢首歌。
講到興起,既然阿涂又在場,兩人即席高曲「勝利雙手創」。雖然過去比較少合作,但兩人都非常合拍(雖則唔知點解現場聽歌嘅民主黨鄺俊宇,掩住嘴忍笑...)。唔知獲阿涂加持,咖喱范最終能否「創勝利」呢?
立會補選新聞,《蘋果》一網睇晒
http://bit.ly/appledaily311