陳奕迅（Eason）昨日到商台接受訪問，他表示即將推出國語大碟，又表示當初的構思是想把廣東及國語大碟同時間推出，但後來發覺遇上的問題很多，Eason笑說：「大家都知我成日都天馬行空諗好多嘢，今次我承認我呢個構思係懶勁，不過我初時都唔知會遇到咁多問題。」另外對於濱崎步在其個人網頁回應咪嘴一事，Eason指對於濱崎步的事不會再回應。

對於張學友在台灣舉行的演唱會票價高達1,884港元，引起台灣fans向消費者保護委員會投訴，身為學友fans的Eason覺得香港演唱會門票一直收費較平，他說：「我作為學友fans，我一定覺得唔貴，我當日喺廣州都有睇學友綵排，我覺得個製作都好勁。其實我都想香港演唱會嘅飛收番貴啲，攞個好意頭就483蚊啦。」
採訪、攝影：李珮洳