《蘋果日報》喺噚晚舉行嘅2018年亞洲出版業協會（SOPA）頒獎禮入面，憑着去年到河南濮陽採訪中國孤兒雜技團嘅報道，奪得卓越視頻報道大獎，台灣《蘋果日報》獲相同組別獲得銀獎，成為香港同台灣《蘋果》首次包辦SOPA卓越視頻報道獎。八方都喺度恭喜得獎嘅同事。
《蘋果》去年到稱為中國雜技之鄉嘅河南濮陽，採訪當地一個「孤兒雜技團」，講述團長劉甫曾坐牢，出獄後行善專收留孤兒或單親家庭、窮困家庭小孩，甚至殘疾兒童練雜技。記者直擊團中23名5歲半至15歲孩童，描繪23個被遺棄嘅故事（ https://bit.ly/2sSC2Mj）。

與台蘋包辦首次名

台蘋就憑採訪台灣發明家嘅勵志故事（ https://bit.ly/2Mmi4Sk），喺相同組別中奪得銀獎。此外，台蘋拍攝羅興亞難民危機喺孟加拉邊境持續蔓延，（http://www.appledaily.biz/rohingya），西方政府與媒體一面倒同情難民處境，其中一張照片奪得卓越攝影大獎。