【要幸福啊!】43歲戴辛尉為生B點頭出嫁 結束近20年愛情長跑
戴辛尉梁佩瑚梁焯皓威葳
現年43歲的戴辛尉與梁佩瑚細佬、45歲的梁焯皓拍拖近20年,終於結束愛情長跑,今晚於圓方花費7位數字,筵開34圍擺喜酒。下午6時許,一對新人會見傳媒,戴辛尉穿上低胸閃片婚紗,梁焯皓以黑銀色閃閃禮服現身,兩人應傳媒要求咀嘴兼大晒行頭。
兩人坦言已是老夫老妻階段,戴辛尉說:「大家都覺得對方係個伴,我哋咩問題都經歷過,雖然唔會有熱戀嗰種火花,但係大家都知道係好穩定嘅。」他們表示籌辦婚禮的過程沒有拗撬,梁焯皓即笑謂:「因為我都冇參與,老婆話事。」
戴辛尉笑指很多人認為他等了20年才結婚,其實只是兩人向來不渴求結婚:「因為覺得婚前婚後都一樣,今次結係可能想有BB,自己年紀都大,要小朋友都係時候。」她表示婚後會不設防造人,但會保持隨緣心態。
問到老公的愛的宣言,梁焯皓說:「都係唱歌,今朝唱咗首《分分鐘需要你》,如果一陣冇醉就再唱啦。」戴辛尉即大讚老公唱歌好聽,很喜歡聽對方唱歌。
提到兄長梁焯滿險些未能趕回港出席婚宴,今早接載兄弟姊妹的車又出意外,梁焯皓驚訝地說:「你哋咁都知?今朝撞咗車,我哋都預咗,今年驛馬吖嘛。」
梁佩瑚透露送入伙傢俬,並依傳統向新娘送龍鳳鈪:「一直以為佢會快過我同我先生結婚,點知我快過佢,所以今晚好開心。」她覺得細佬與戴辛尉是多世姻緣,兩人走唔甩:「我哋都一早當佢係一家人,而且我哋同老師(戴思聰)又熟。Wancy(戴辛尉)個人口直心快,同我一樣,所以我哋好夾,有時我哋都會喺啲group chat度叫佢哋冷靜啲。」
另外,李思欣為兩人擔任司儀,她說:「因為佢兩公婆都教我唱歌,平時已經覺得佢哋好warm,知道佢哋結婚戥佢哋好開心,所以我話我同老公一定要幫佢哋做司儀。」她笑謂送人情最實際,至於夫妻相處之道的心得,李思欣謙稱自己仍在學習中:「最緊要都係包容同坦誠,佢哋拍咗拖咁多年,教返我仲啱啦。」
-----------------------------
《2019高級珠寶鑑賞誌》
點擊即睇過百款鑽飾名錶 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇