日本偶像組合NMB48成員須藤凜凜花早前於「第9屆AKB人氣總選」舉行期間在台上宣佈結婚，將會嫁任職醫護人員嘅男友，表明已決定退出NMB。

噚日，NMB48於大阪NMB48劇場公演，係須藤凜凜花自爆婚訊以來首度返回主場見粉絲，佢企喺台上顯得有啲緊張，仲為事件對受影響嘅人致歉，又指未確定離隊日期，但喺餘下時間會全力做到最好。

NMB48宣佈會相隔三年於8月2日推出全新大碟，同時宣佈組合會展開首個亞洲巡演，香港一站定於9月29日在亞博館舉行，仲有8月14日泰國站，以及10月1日嘅台灣演出。

至於AKB嘅橫山由依就會於下月8日聯同木崎由里亞、島田晴香來港，於九展舉行簽名同握手會。