韓劇《六龍飛天》嘅41歲女星尹孫河現時忙於拍攝KBS嘅新劇《最佳的一擊》，不過佢今日卻爆出是非，其兒子涉對同學仔濫用暴力。

根據韓國傳媒報道尹孫河個兒子涉用棒球棍打同學仔，同時又用被子困住同學，同時又強迫同學飲混入沐浴露嘅香蕉牛奶。對於有關報道，尹孫河所屬事務所今日就否認有關報道，強調尹孫河兒子冇對同學仔施以暴力，當中過程亦只係同學仔之間嘅玩耍，不如報道中咁嚴重。

不過尹孫河就話明白到父母對子女嘅擔心，今次事件亦對佢同埋兒子造成好大傷害，希望受傷害嘅小朋友好快冇事，亦為事件覺得抱歉。