楊埕今日到商台接受森美訪問，除咗宣傳有份主演劇集《再創世紀》外，亦大談佢秘密愛情觀， 講及佢第一次拍拖同現時感情狀況等，不過佢話：「依家冇拖拍，唔係我要求高，只係人哋覺得娛樂圈女仔太花花世界，好難追，追親我嘅男仔都比較難以專一，大部份都一腳踏幾船，所以唔會接受，只會做好朋友，我想專注事業，好似男人一樣有成就人哋先會尊重你多啲。」

戀愛最深刻事情，楊埕話自己完成大學後近二十歲才初戀，佢話：「讀書時經常同TB一齊玩，可能別人有誤會我係同性戀，曾經有TB追過我，但我好清楚我唔係，唔會咁做。」現時佢主力拍劇，好開心第一套劇集就可以拍住一班前輩主演，希望可以走進大陸更多發展，但自知在香港知名度未夠，會繼續努力。

精選娛聞，喺晒《娛果》
http://fb.com/appledailyent