新一屆區議員履新差不多一個月，開始實踐參選時構想的地區新政，但如同普通 香港 打工仔或者小老闆，區議員真正埋班要有個安樂窩、要「做好盤數」，要以有限津貼「五餅二魚」式分配於請人、開議辦、搞活動，實非易事，對「白手興家」的政治素人而言更是難上加難。素人出身的荃灣愉景區議員劉卓裕就花了足足一個月找地方開設辦事處，但徒勞無功，最後要變招成立「大本營」，並申請在官地開設貨櫃辦公室，他期盼政府可在制度及硬件上更完善配套，讓民選區議員發揮更大作用。

記者 梁穎妍

因應反修例運動而「中年出道」的劉卓裕，在政治浪潮下以4,498票擊敗扎根8年的雙料議員兼商人田北辰，出身公關行業的劉對於區政有鴻圖大計，但實踐與構思總是兩碼子的事。他當選後接連參與兩個分別由民主黨及公民黨為政治素人而設的工作坊，學習接個案以及處理選舉申報，「（工作坊）真係好detailed，（講者）好有經驗，我哋（事前）係完全唔知道，聽咗之後先（感到）：『嘩，死啦咁嘅。』」劉自言處理選舉開支要極小心，「你知對家好龐大，我都收到大大細細投訴」，申報上稍一不慎，隨時被捉到痛腳，嚴重者議席不保。

民主派在區議會執政，正式履新前已通力合作，劉亦表示，很欣賞政黨主動向素人提供協助，但笑言早一步了解選舉開支申報運作，可讓各素人早一步投入其他籌備工作，包括開設辦事處及組織居民，「我哋將會要搵舖頭，最重要今次選舉同其他唔同嘅係，市民對我哋期望好大，變咗我哋係會組織居民，令到佢哋更多參與喺我哋嘅區政上，呢樣落實係最重要」。

劉坦言區議員正式上任的埋班工作「十個難有九個難」，當中最困難的是尋覓議辦選址；由於愉景區夾雜愉景新城及荃景花園兩大私人屋苑，首選是人來人往的愉景新城開議辦，但租金高昂，在兩屋苑之間的工廈則尚算便利，約萬元的租金，以區議員每月44,816元的實報實銷營運資金而言，還在應付範圍之內。《蘋果》上月初隨劉一同找舖位，他相約經紀看工廈單位，因工廈地方寬敞，可實踐在議辦開工作坊的構思：「想做個時間廊咁，（由）後生嘅人或者啱啱退休人士服務返比較年長嘅人。」惟他當日才得知工廈議辦不可行，「今朝發現工廈原來要搵地政批（更改地契），最快都要三個月」。

他其間一度打算在選區外圍的公屋邨或私人屋苑商場找地方落腳，但花了一個月時間，兜兜轉轉回到工廈，他將議辦化身為「大本營」，僅作倉務用途，稱呼議助為「倉務員」；被問到是否走精面，他坦言：「我唔知。」不過，他亦有兩手準備，「同地政總署傾過，係咪可以講倉庫咁樣租」，並同時去信地政總署，申請在愉景新城巴士總站旁一幅官地行人路邊設置貨櫃辦公室。至於接觸街坊，他就要be water，「我哋會做流動街站，譬如喺荃灣愉景橋或者樓下公眾地方，方便佢哋行過可以見到我哋」。

20年前當過兼職區議員助理，劉對於接個案並不陌生，惟獨正式展開工作前要找到安樂窩見街坊，足令不少人灰心，劉慨嘆制度缺陷，「冇深切去諗清楚，而家分咗咁多區係咪有足夠硬件去支持議員去服務」。他以民建聯斥資養落選人為例，又眼見被自己擊敗的田北辰能續租佔盡地利的商場大舖位，笑言「有心想去服務社區真係要有返啲底先得嘅」，期望民主派可拓展黃色經濟圈至協助區議員服務，同時達至組織居民之效，「所謂黃色商圈，居民更投入，無論錢或者人力支援都係更重要。」