當年今日
關於我們

赤柱望海新舖泰有Feel

蘋果日報 2003/02/20 00:00


赤柱大街又有新食肆開張,崇都泰國餐廳位於赤柱大街,對正無敵大海景,趁近日風和日麗,不妨走入赤柱玩吓,食吓,輕鬆吓。

記者:邵超 攝影:陳偉強
單看店名,最初以為崇都賣的是皇家菜式,實際上是新派泰菜,大廚係隔籬同一集團Bayside調派過來的,熟客應該清楚泰廚陳俊華的功夫。陳師傅花咗唔少心思去設計菜牌和菜式的賣相,將傳統泰菜溶入少少西菜風格,特別講究三味,唔少菜式一道菜裏集齊酸、甜、辣三種味道,老少咸宜,包保食得過癮。陳師傅講過有三把火的程度的菜,唔食得辣的千祈唔好試,初入口唔覺辣,去到喉嚨位辣味即時現身,記者試過後立即後悔。
三味鱲魚$118
坦白講外形有點樣衰,但唔代表唔好味,師傅將鱲魚切花後用竹籤定形再炸,外脆內滑,夾起來一粒粒容易食,淋上芡汁,幾開胃㗎!
帝皇炸蝦餅$55
賣相有啲似咖喱角,同樣係春卷皮包着餡料,材料變成混有香料和馬蹄的蝦膠,配搭的醬汁集齊甜、酸、辣三味,食過翻尋味。
崇都泰國餐廳
地址:赤柱赤柱大街90號
電話:28990999
營業時間:星期一至五12:00nn-11:00pm,星期六、日及公眾假期11:30am-11:00pm