今日係樂壇天后容祖兒36歲生日，男友劉浩龍(師兄)今午兩點左右現身灣仔會展《太陽城集團環球貴賓娛樂平台》記者會，問到劉浩龍會點同女友慶祝，佢就話：「今晚暫時冇節目，低調度過。」

講到佢有冇驚喜畀女友Joey?劉浩龍稱：「唔好喇!今年盡量簡單低調過，因為唔係太開心（指祖兒化妝師好友離世）。」(相關連結： http://bit.ly/1UtpChR )劉浩龍仲話出街食飯都冇計劃，至於準備禮物，佢就有所保留咁話：「乜都好，等我過咗呢個日子先再答大家。」

另外，劉浩龍早前同黃柏高（Paroc）到韓國拍攝旅遊特輯共同浸spa，有幸見到Parco冇戴眼鏡嘅樣，所有身邊人都話佢好幸運可以見到呢個時刻。