C朗上身變罰球王 昔日曼聯大水貨西乙轟35碼遠程砲
蘋果日報 2021/03/13 23:10
西乙碧比華歷簡奴曼聯C朗
昔日曼聯水貨碧比周五喺西乙射入一球35碼超靚罰球。
相信唔少曼聯球迷都會記得碧比呢件超級水貨，家下都只係30歲嘅佢已經喺西班牙搵食咗好多年，呢幾季都係踢喺西乙嘅華歷簡奴。就喺周五對薩拉戈薩嘅西乙比賽，碧比仲好似基斯坦奴朗拿度（C朗）上身咁射入咗一球成35碼嘅超遠罰球，仲帶領球隊落後兩球之後反勝3:2。
呢位葡萄牙翼鋒2010年就以700萬鎊加盟紅魔，但查實領隊費格遜都未真係睇過佢踢波就簽咗佢，加盟咗一季踢過兩次英超，但最主要就係英聯盃上陣。雖然碧比速度都唔錯，但佢啲出波認真出事，出波吓吓都好似射波咁一嘢轟出嚟，都成為唔少球迷嘅笑柄。
當日碧比加盟曼聯僅上陣過7次。
入咗紅魔一季之後大家都當然知碧比有幾多料喇，所以之後就好似人球咁被曼聯借嚟借去，最終16年正式離開紅魔去咗西甲嘅艾巴，之後再轉會去華歷簡奴，仲跟埋隊波落乙組。禮拜五嘅西乙對薩拉戈薩一戰，華歷簡奴29分鐘就已經失咗兩球，但去到41分鐘碧比操刀一球35碼嘅罰球，個波一支箭咁直飛網仔對面龍門想撲都撲唔到，幾有C朗「落葉射球」嘅功架。而因為呢球靚波追近，華歷簡奴下半場再入多兩球，最後仲3:2反勝對手全取三分。
-----------------------------
新一年要學識理財呀
你不理財，財不理你，新一年邦民會繼續成為你財政上嘅強大支援！只要喺2021年3月1日至2021年3月31日期間新客戶首次提取貸款，可即場獲賞現金高達港幣$3,500▲！
利用轉數快，即使足不出戶，都可以實現貸款瞬間過數^，星期日都照批★！。
推廣期由2021年3月1日至2021年3月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！