楊斯雅離開大台之後，就開拓性商品生意，由於收入穩定，佢同拍檔兼男友陳光耀決定置業做業主，之前男友仲成功求婚，今年大除夕就成為人妻。(新聞連結： http://bit.ly/2w2S0qZ )

今日楊斯雅喺商台接受訪問，佢透露本身Book咗1881嘅海利公館舉行婚宴，但因為呢間酒店後來宣佈結業，佢即刻再搵地方：「我攞番訂金，酒店仲賠番20%畀我，O依家我喺金鐘一間酒店搵到場地，呢間可以容納到120人，好過之前嗰間容納到80人，本來唔想印帖，但奶奶話咁樣好冇誠意，好彩當時冇印咋。」講到婚紗，楊斯雅表示已經搞掂晒，早前仲去咗台中影婚紗相，屆時會請律師到場，喺酒店進行註冊儀式。