【有望靚過阿媽】經理人想簽都冇符 任晴佳沈月無意入娛圈?
任晴佳琦琦ella任達華
任達華嘅獨生女任晴佳(Ella)話咁快已經13歲,仲遺傳咗媽咪琦琦嘅模特兒身材,擁有黃金比例兼有一對招牌長腿。
Ella憑住優良基因成為最令人期待嘅少女星二代之一,但係琦琦喺受訪時透露過,阿囡其實唔鍾意影相,雖然不少經理人都打Ella主意,但係琦琦透露女兒愛畫畫,想做時裝設計師,對入行冇乜興趣,而琦琦同老公任達華都好尊重個女嘅意願,近年都少咗喺社交網站貼囡囡嘅相,而Ella自己嘅IG亦都設定為私人帳號,要經佢本人加好友先可以瀏覽,似乎真係無意加入娛樂圈。
同樣受人期待嘅少女星二代仲有豆斗邱淑貞同老公沈嘉偉嘅大女沈月,15歲嘅沈月越大越靚,眉目間似足媽媽豆斗一樣咁靚,仲被捧做「最索星二代」,感情生活同社交網動向亦備受關注,不過媽媽豆斗日前出席活動時謂:「講番我大女啦,其實佢真係冇諗過入娛樂圈,佢自己都唔想入,希望大家唔好跟佢喇。佢有時都唔開心,返學又俾人跟住,同爹哋食嘢又俾人影晒,希望大家俾多啲私人空間佢啦。」又謂因為咁樣,大女就連ig同微博都停止更新,豆斗仲話:「可能我喺佢由細到大都有講番(入行經歷),佢都唔想受咁多壓力。我都有同佢講如果想做model都可以嘅,但佢都話唔想囉。」豆斗又話,其實都有好幾間公司分別搵佢兩母女,希望可以簽沈月,不過沈月似乎真係無意入行。
精選娛聞,喺晒《娛果》
http://fb.com/appledailyent
任達華嘅獨生女任晴佳(Ella)今年13歲。(微博圖片)
遺傳咗媽咪琦琦嘅模特兒身材,擁有黃金比例兼有一對招牌長腿。(IG圖片)
已經170cm嘅Ella同身高180cm嘅媽咪企埋一齊都唔輸蝕。(IG圖片)
琦琦喺受訪時透露過,阿女想做時裝設計師,對入行冇乜興趣。(資料圖片)
15歲嘅沈月越大越靚,眉目間似足媽媽豆斗一樣咁靚。(IG圖片)
不過媽媽豆斗日前出席活動時謂:「其實佢真係冇諗過入娛樂圈,佢自己都唔想入。」(IG圖片)
又謂因為成日被人影,所以沈月連ig同微博都停止更新。(IG圖片)
豆斗又話,其實都有好幾間公司分別搵佢兩母女,希望可以簽沈月。 (資料圖片)