【禁飛香港】菲傭未能上機返香港 區永權樂做湊仔公
蘋果日報 2020/02/03 19:16
禁入境利穎怡區永權菲傭
（IG圖片）
鑑於武漢肺炎疫情嚴峻，菲律賓總統杜特爾特周日（2日）決定暫時禁止來自中國大陸、香港及澳門的旅客入境，有港人在飛機降落當地機場後滯留機上，亦有原本回鄉探親後準備返港的菲傭，亦因此未能返港。
區永權今日在IG透露自己亦受影響，家中「姐姐」未能如期返港，令正在停課的兩個囝囝乏人照顧。他說：「是咁的，話說外傭姐姐原定今日從菲律賓探親後回港，誰不知姐姐昨日來電，話回港航班已取消！本以為係某些航空公司嘅處理方法，於是漏夜訂一張其他航空公司嘅全新機票，令姐姐可按原定計劃今日回港。點知航班照飛，但『姐姐』未能登機，原來菲律賓已決定禁止民眾乘航班直飛香港，亦未知此禁令將到何時？所以『傭入家中』一幕，將會於本人家中......不日上映！」
由於疫情持續，區永權直言不少工作都要延期或取消，變相令他多了時間留在家中做「湊仔公」，陪伴囝囝上網做功課及家務，他說：「對區太而言，最安慰嘅，就梗係有個人可以暫時成為『姐姐』嘅愛的替身，幫手做！家！務！老老實實，諗起可以做家務，都真係好興奮！係真㗎，真係㗎！此外，祝願明天會更好！祝各人一家大細齊齊整整，身體健康！仲有祝姐姐可安然早日返香港！」不過，他昨日亦有為《東張西望》開工，還被拍檔利穎怡在IG Story寫錯他的姓氏做「歐」，要他出手更正。
-----------------------------