中環金寶錶行創辦人、已故巨星陳百強（Danny）父親陳鵬飛，於前日早上與世長辭，享年95歲，兩父子天國重聚。陳鵬飛雖然年事已高，近年又行動不便，需以輪椅代步，但多年來身體壯健，不時到陸羽茶室飲茶，去年陳百強60歲冥壽，他也有出席。至於由陳鵬飛一手創立的錶行，已交由陳百強大哥陳百靈打理。

《蘋果》昨日致電陳百靈，他以短訊回覆證實老父善終：「是真的走了！佢實齡未到九十六，走得非常安詳，係一般的老人病，走時並未有察覺有任何痛苦，亦沒有未了心事，絕對係善終。」問到會否安排父親跟Danny一同長眠於將軍澳華人永遠墳場？陳百靈表示：「後事在進行中，下星期會有結果，多謝大家關心。」

陳百靈憶述Danny生前與父親關係疏離，皆因覺得父親不在乎他。當年19歲的Danny參加山葉風琴大賽摘冠，陳父在場支持，但領獎後的Danny卻不肯見父親，經朋友游說才在利舞臺大門口見一面，兩父子握了手。其實陳父愛子心切卻不懂表達，13年他接受《蘋果》訪問時，憶亡子感嘆：「好可惜！佢30幾歲之嘛，真係好遺憾，如果喺度唱歌幾好呢，佢演唱我去聽，真係驕傲。」

80年代與陳百強因合作電影《喝采》和無綫劇集《突破》傳緋聞的翁靜晶，昨日在fb貼出與Danny的合照，留言悼念陳父：「心亂如麻憶故人。永遠懷念陳爸爸。」她昨日回覆時大讚陳父人品：「Danny帶我去舞會，當時係Danny爸爸陪住我同我跳舞，陪咗成晚好nice。其實Danny同爸爸好似，風度翩翩、官仔骨骨又溫文爾雅，唔同嘅係佢爸爸性格較開朗。」另外，資深傳媒人查小欣昨日回覆說：「老人家走得好舒服，冇痛苦。」
採訪：皓騫、嵐山、魯吉