日本男星福山雅治為是枝裕和執導嘅電影《第三次殺人》今日於當地開畫，佢出席完威尼斯影展，今日偕同廣瀨鈴、役所廣司及最近被爆離婚嘅滿島真之介現身東京六本木戲院合力宣傳，不過導演是枝裕和就留在意大利參與威尼斯影展明日嘅閉幕禮。

福山雅治呢排認真忙碌，佢噚晚出席音樂節目《Music Station》大唱新歌，同場仲有乃木坂46擔任嘉賓，對於乃木坂主將白石麻衣應熱賣寫真集《Passport》封為新一代寫真女王，原來福山都係「知音人」，仲趁呢次機會帶埋自己購買嘅《Passport》寫真集俾白石麻衣簽名，連天王級嘅福山都自掏腰包入貨，難怪呢本寫真集出貨量已多達23萬本啦！