杜汶澤今日喺尖沙嘴舉行記招，宣佈明年2月舉行3場棟篤笑《咔啦騷》，佢仲喺褲頭插咗碌蔗，大玩不文，更有性感模特兒包括細細粒容易食嘅32CVivianLaw(羅彩玲)、33B珍寶奶(曾淑雅)等齊齊俯身送香吻，大合照時，阿澤教她們夾胸影相，之後馬上喺facebook貼圖曬命話：「同埋咁多女一齊做嘢，其實都好辛苦0架!哈哈!」

阿澤預告會喺棟篤笑大爆太太田蕊妮、吳君如及鄭中基等人嘅私事，但現時暫時唔透露細節：「驚就買飛睇，到時衝上台打我囉。」佢又大爆公司唔使佢夜晚去英皇駿景已經偷笑，等佢仲洗定個八月十五添……咁深嘅……講緊咩，自己諗。