好難捱嘅8月終於都過去,回顧8月港股走勢都算驚濤駭浪,除了近周奧運閉幕後大市尚算有點表現外,月內其餘時間真係玩謝唔少散戶。展望9月份,股場民心所向,當然希望港股生生性性,但睇番昨日中移動(941)仍未能止瀉,似乎……
近年傳聞多多的中油(香港)(135),終有動作,獲母公司中石油集團將之注入中石油(857)。雖然消息唔係期待已久的私有化,不過中石油集團將其持有51.89%權益注入中石油,目的係要透過中油(香港)的角色共同開拓天然氣終端市場,即係另一個古仔,中油(香港)料將成為中石油在有關業務上的旗艦。