現年60歲嘅吳剛，近年好少見到佢，今日佢喺旗下食肆現身，睇見佢嘅身型fit咗好多，個樣仲有幾分似林峯。

當年吳剛喺《歡樂滿東華》除衫搽油，0依家都仲有觀眾好懷念，0依家瘦咗之後，會唔會冇緣再見佢除衫爆肌嘅風采？吳剛就笑住話:「一有適當機會我都會搽油㗎！呢樣嘢要睇吓劇本同有冇誠意！為慈善可以搽油，一個令大家關懷愛心內容，我係可以再搽油。」

至於會唔會有興趣再參與幕前演出？吳剛話:「如果有啱我劇本同角色，我都心癢癢想玩嘅。」至於前年盛傳佢捲入金錢糾紛，吳剛聲稱：「一切冇問題。」