當年今日
關於我們

吳保錡招積偷食沙律 fans揼本登報贈興句句有骨:帽事嘅

蘋果日報 2021/01/27 00:57

ViuTV賴嘉賢張沛樂沙律保錡ERROR全民造星

究竟「我係壞咗嘅人」難原諒啲,定係「我都唔知自己有女朋友嘅人」,難令人接受啲?最近ERROR成員吳保錡招積偷食沙律,事後被翻舊賬踢爆佢係偷食慣犯,不少fans擔心保錡形象插水連累ERROR攬炒。
事緣ERROR成員保錡早前被爆戀「沙律」張沛樂,而正印女友賴嘉賢(Carrie)突然被降呢成舊愛。保錡更拋出世界級答案,他向Carrie解釋:「我見大家都冇搵,我都唔知自己有女朋友。」

趁保錡生日贈興「派帽事件」

昨天是保錡正日生日(25號),有fans悉心登報贈興,由昨日開始一連兩日在《蘋果》登報,再次揭保錡偷食惡行,引用保錡偷食金句「對不起,我都唔知自己有女朋友」,更指Pokimons(保錡fans)送上祝福:「祝你日日有今日,日日食沙律。帽事嘅,唔會食滯!Get a real life!智商高過50的人上。」似暗寸保錡回應偷食欠缺智商。
該名fans今日又再登報出擊,今次寫上「感情係世間上最難處理嘅事情,我不會恨任何一個人,都不會埋怨任何一個人」,此句是早前保錡在IG寫下「偷食」後感。該名fans又引用保錡在2018年3月講過「帽事嘅,大家明」,再次寸爆保錡,以其人之「金句」,還治其人之身,句句有骨。而這些啟事亦貼心附上一個QR code,連接到一個社交App群組叫「吳保錡偷食事件懶人包」詳細交代此事始末!

網民估舊愛報復

對於有網民估係舊愛登報「報復」保錡,Carrie以短訊回覆《蘋果》:「我之前聲明講咗有關佢嘅嘢都唔關我事,冇回應!謝謝。」而保錡就已讀不回,致電給他即cut線轉駁留言信箱。
吳保錡於2018年參加《全民造星》,雖然他外表被嘲似八両金,以騎呢形象突圍而出,與肥仔、阿Dee及193組成男子組合ERROR,怎料今年1月4日被《蘋果》踢爆保錡背模特兒女友Carrie,偷食35E性感女神沙律,事後保錡更化身「關公」,稱跟Carrie女友已有一個月冇聯絡,保錡更詐儍扮懵回覆:「我見大家都冇搵,我都唔知自己有女朋友。」

驚爆拍性愛影片

之後又再有一名擔任健身教練嘅女仔「zurichxss」爆上年10月保錡曾約她上床,更驚爆有性愛影片,新受害者更爆保錡有女友仍約女上床,「仲要拍咗我片,你傷害嘅唔只係Carrie,仲係一個『唔知你有女朋友』嘅人。偷食嘅感覺好嗎?我唔介意你當我係玩具,但你背住Carrie約我,令我感到十分內疚」。
empty
昨天是保錡正日生日,他大方出post晒恩愛。(IG圖片)
empty
雖然保錡醜聞纏身,但沙律仍然力撐男友,高調示愛。(IG截圖)
empty
fans揼本在《蘋果》登報贈興,寸爆保錡!
empty
啟事貼心附上一個QR code,連接到一個社交App群組叫「吳保錡偷食事件懶人包」。(網上截圖)
empty
詳細交代此事始末,指一開始保錡疑詐儍扮懵。(網上截圖)
empty
見自己被網民鬧爆,才寫上「感情係世間上最難處理嘅事情,我不會恨任何一個人,都不會埋怨任何一個人」。(網上截圖)
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁