05年創辦嘅免費報紙《am730》越做越旺，帶挈小股東年年有錢賺。八方聽聞最近《am730》嘅股東派息亦非常和味，每10,000股就會派730蚊，絕對令唔少人羨慕到流晒口水。
據聞呢一次派息，最終派咗成600萬，聽落都已經嚇死人，由於《am730》內唔少員工都有股份在手，八方聽聞有員工已經諗緊點樣使呢筆和味股息，有人諗住去擦餐勁、有人計劃外出小旅行，總之大家都有個快樂的暑假。
至於大老闆施永青，八方聽聞佢都好善心，有福都同有需要嘅市民一齊分，決定咗將股息全數捐出做善事。唔知大老闆呢個善舉，有冇員工會跟隨呢？