隔牆有耳:
龍舟扮嘢賽 牡丹贏香蕉 - 李八方

蘋果日報 2017/06/05 00:00


一連三日嘅龍舟嘉年華結束,其間舉辦咗扮嘢比賽,一條條香蕉、一隻隻速龍,奇裝異服人士喺現場周圍走,好吸睛,最終由着住七彩連身裙嘅香港乳龍隊奪冠。
香港乳龍隊係香港首隊為咗支持香港乳癌康復者而成立嘅龍舟隊,成員包括乳癌康復者、家人及朋友,隊中有5個男士為呢次比賽着裙,話估唔到着裙咁涼爽,仲話自己受歡迎過啲女士噃!設計師兼隊員華姐話,七色牡丹裙係佢哋對癌症患者嘅祝福,代表祝福、光明、美麗、友誼、活力、健康同正能量。
亞軍港鐵隊以香蕉造型亮相,隊長同鼓手扮馬騮,成隊人仲即席跳舞,好鬼有活力。隊長王先生話呀,呢個團隊造型係代表佢哋每日都朝氣勃勃咁做嘢,笑指:「雖然天氣好熱,但我哋對比賽嘅熱情早已超過熱。」
empty
亞軍嘅港鐵隊以香蕉造型亮相,隊長同鼓手扮馬騮。
97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk