當年今日

上庭在即律師費由公司支付 葉家寶:但要墊支咗先....

蘋果日報 2015/09/30 06:00

蘋果香港now官司葉家寶即時墊支上庭新股東

亞視噚日表示已於本月21日再向通訊局入紙申請免費電視牌照,更指將配合通訊局要求提交文件,但卻遭通訊局踢爆,亞視未交齊股權轉讓文件,就申請免費電視牌,亞視被指又偷步(新聞連結: http://goo.gl/tZrTJ4 )。

葉家寶今日接受黃夏蕙經理人訪問,問到未交齊資料,但又走去申請免費電視牌照一事,家寶否認偷步:「其實係一定要有股權申請,批核成功先可以再處理免費牌照,其實之前交晒文件,呢幾日交返補充文件,(乜嘢文件?)關於我哋股東,比如股東資金及股東資料,近日會交晒。(點解唔交晒先申請?)其實之前已交股東變化申請,同埋覺得係適當時機就申請,交晒後等通訊局再批示。」

講到家寶後日(10月2日)要上庭,仲要去足五日,問到有冇新股東支持佢?家寶表示:「新股東都知道呢個情況,覺得好難得,有員工為公司做咗咁多工作,都好支持我。」問到律師費係咪由全部由公司畀?佢話係:「但要墊支咗先,之後再補償返,公司都全力支持。」

now申請免費電視牌照有冇影響到亞視?佢話:「都知道now會全力發展免費電視牌照,但亞視將會喺網絡平台及衛星電視方面發展。」