當年今日

求驗客手記:
亞視播波求其搵主持

蘋果日報 2013/07/13 00:00


《哀》無綫勇奪洲際盃、世青盃同下年世界盃直播權後,亞視都不甘示弱,盡擸英超三雄阿仙奴、車路士同利物浦今夏嘅亞洲之旅直播,當中仲有場拜仁慕尼黑對巴塞隆拿嘅哥帥倒戈戰㖭(見附表)。盛傳今次係馬會買咗直播權交畀亞視播,佢哋嘅製作五組總監蔡錦豐就一口否認。
佢噚日帶埋一眾亞洲先生、小姐喺郵輪搞咗場水球大戰造勢後,豪言播波係免費電視台嘅責任,仲密謀爭取更多運動賽事直播。之但係今次講波陣容,除咗前港腳徐國安外,主力就只有曾參戰亞洲星光大道嘅黃文韜,同主持開兒童節目嘅伍偉樂。想知兩位講波新丁得唔得?聽晚9點半兵工廠對印尼明星隊就有得睇啦。
另外,話說有個叫阿星嘅阿仙奴粉絲,喺Instagram分享一張法比加斯效力兵工廠時嘅4幅組圖,點知法比仔就用佢個官方賬號畀咗個讚(下圖),令人相信佢仲好懷念喺阿仙奴嘅日子。
empty
empty