陳志雲、葉童、王喜、石修及江美儀等今晚齊集北角新光戲院，為聽日起一連六日公演的舞台劇《雷雨对日出》作總綵排，劇中王喜飾演志雲個細佬，而葉童既係志雲後母又係情人，兩人有亂倫關係，問到跟葉童有冇親熱戲份？志雲話：「葉童會捉我隻手摸佢胸膛，但只會摸到心位置。」追問到綵排時摸葉童胸口係咩感覺？葉童搶答話：「好硬淨。」

劇中志雲需要不時跪地，所以佢戴上護膝作保護，當志雲拉起褲管畀傳媒拍照時，口多多嘅王喜即笑住問：「冇腳毛，你自己剃㗎？」志雲解釋係天生麗質，跟住志雲大爆王喜噚晚綵排完後，冇化妝坐地鐵去旺角，點知全程都冇人認得出佢，王喜都自言對此有點沮喪。另外，胡諾言指尾場會加插打志雲的戲份，志雲即警告大家小心佢還手。