第70屆康城影展已進行咗一半，身為主競賽片評審之一嘅范冰冰忙於睇戲，不過佢噚日都抽空出席喺影展期間舉行嘅平遙國際電影周，支持發起人內地著名導演賈樟柯。

冰冰以白色透視長裙現身，長髮披肩，被內地傳媒大讚佢仙氣迫人。身為影展常客嘅賈樟柯亦都慰問冰冰，佢話明白評審工作好辛苦：「看電影是個非常辛苦的事，做評審每天至少看三部電影，不同的語言文化，你的頻道要不停換來換去。」