當年今日
關於我們

【短片】【「佔領」營地】灣仔營地「村長」住足700日否認轉租圖利

蘋果日報 2015/12/30 06:00

灣仔露營營地Jacko灣仔露營區

網傳西貢灣仔露營區有人長期用營帳霸地出租圖利,適逢聖誕新年假期,《蘋果》記者下午到場發現露營區已經迫爆。被指佔領灣仔的「村長」Jacko現身澄清並無轉租營地圖利,只是閒來檢拾市民遺下的露營用品修理,再免費轉贈他人,從沒收取分文,「我不嬲喺度幫人啫,全世界都知,我呢度識嘅朋友超過100個」。

自稱已退休的Jacko自認是露營「發燒友」,與其他志同道合的退休人士「紮根」灣仔,長居露營區已逾700日。Jacko稱,早於聖誕節前一星期已有多個團體,包括欖球會、教會都已到場鋪營霸地,結果引發誤會,「行山行過見到夜晚漆黑一片無人喎,啲人霸營,我相信佢係咁諗」,他強調自己絕無轉租營地,「漁護署都唔放過我啦!」

Jacko聲稱在本港和內地均有物業,只因熱愛大自然才長期居於營地,自己在營地內只有一個營帳,其餘的都是其他「發燒友」擁有。對於外界批評他們長期霸地,他反指「好日都唔嚟嘅人帶個幾十蚊嘅營入嚟,又話要攞無敵海景,呢樣個樣,你早啲好似我咁,早啲退休囉,搵多啲錢唔使做去邊度都得」,他反問社會是否要歧視退休人士,「如果佢有本事一路喺度露營,嗰個係好叻嘅老人家,起碼佢健康」。

他批評當局一直對營地管理欠缺監管,營地設施損毀多時都無人處理,「香港政府唔畀資源喺呢啲,寧願丟入鹹水海、大白象工程,老人福利都無啦!我今年65歲,我有咩福利?」對於網傳他是退役華藉英兵,他反應甚大,「呢啲係20年前嘅事嚟喎,我地盤佬一個,總之唔好話我以前係乜嘢。」