英格蘭國家隊喺月尾嘅國際賽檔期，特意約戰兩支失意兵團荷蘭同意大利踢返場友賽，為備戰世盃試煉戰術同揀卒，今次係世盃點兵前嘅最後一次國際賽期。英軍領隊修夫基周四晚公佈咗27人嘅大軍名單，其中射手哈利卡尼因傷落選，不過阿仙奴中場韋舒亞、曼聯踢左閘嘅艾舒利楊格就重返英軍。

今期新鮮人就有三個，包括般尼門將尼克普比、般尼後防達高斯基同史雲斯中堅艾菲莫臣，另外般尼茅夫中場路易斯曲克上次入選雖無份落場，不過今次又有份；反而加利卡希爾同基斯史摩寧就落選，而幾個近期喺球會較少上陣機會嘅韋碧克、祖高美斯、丹尼路斯都仲有得入選。

英格蘭27人大軍名單：
門將：赫特（曼城）、畢蘭特（史篤城）、尼克普比（般尼）、比克福特（愛華頓）
後衛：基爾獲加（曼城）、史東斯（曼城）、哈利馬古尼（李斯特城）、丹尼路斯（熱刺）、捷比亞（熱刺）、賴恩貝特蘭（修咸頓）、達高斯基（般尼）、艾舒利楊格（曼聯）、艾菲莫臣（史雲斯）、祖高美斯（利物浦）
中場：連格（曼聯）、佐敦軒達臣（利物浦）、阿歷士張伯倫（利物浦）、拉爾拉拿（利物浦）、韋舒亞（阿仙奴）、迪利阿里（熱刺）、艾歷迪亞（熱刺）、積基李華摩亞（西布朗）、路易斯曲克（般尼茅夫）
前鋒：史達寧（曼城）、拉舒福特（曼聯）、韋碧克（阿仙奴）、占美華迪（李斯特城）
資料來源：英足總官網

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1