巴西冠軍騎師波健士登場，名氣好明顯比夏禮賢、貝力斯大得多，人未到已確定有七匹座騎，支持度比已跑開有表現的杜美爾更不相伯仲。

波健士年輕力壯，加上早已響負盛名，難怪連告東尼都有馬交予其上陣，但真正實力馬不算太多，下周一（7月1日）沙田第九場三班2000米草地「將才」將會係波健士的考牌馬。

眾所周知「將才」難贏，有能力但甚考尺寸，而且後勁不易發揮，2000米就肯定合適，評分亦已經到反彈水位，但就偏偏就交不出水準，如果今次波健士能夠上名甚至乎贏馬的話，就像當年雷神第一次來港就贏「魅力星」（已退役）一樣，一舉成名矣！

唔知大家有否發覺，何澤堯自從升做大師傅之後，師傅方嘉柏已經甚少支持，長期以外籍騎師做主要搏殺角色，但今季何澤堯成績冒升，似乎連師傅都感受到徒弟進步的威力。

近期在配搭方面一反常態，少用愛將潘頓，反而將實力馬交由何澤堯操刀，連一向潘頓嫡系的「跳出香港」、「星運判官」都成功撬走。

老實講句，用潘頓可能會賠率乏味，用徒弟反而有更佳回報，馬圈係現實之地，跟紅頂白就理所當然，只要手風順，根本不愁寂寞，更可況成績擺在眼前。

下周一何澤堯有實力馬「安賦」在第五場四班1650米泥地上陣，希望佢可好好把握目前升浪，繼續為自己、為華人騎師再闖高峰。

-----------------------------
7月4日起 《蘋果動新聞》只限升級壹會員閱覽
繼續撐蘋果！