鄧洢玲斥防疫措施加辣斷生路 月尾出嫁駱胤鳴怒呼：婚禮要改期
蘋果日報 2020/12/08 22:40
阿旦鄧洢玲駱胤鳴婚禮延期防疫加辣
第4波疫情來勢洶洶，政府在繼續開關同時，又將防疫措施再度加辣收緊，繼早前將限聚令減至2人後，再度宣佈食肆晚上6時後禁止晚市堂食，同時健身院、美容院及按摩院又再度關閉。本身經營美容院的鄧洢玲（阿旦）於4月時已受疫情影響而關門休業，幸得業主減租共渡時艱。
阿旦最近在銅鑼灣開了一間可帶愛犬幫襯的餐廳，一早擇日在12月12日開幕，受到第四波疫情和限聚令影響，她決定開幕禮要延期，她今日回覆《蘋果》時說：「原本定咗今個月12號開張，其實Back drop、禮物等，所有嘢都整好晒。但係疫情關係都決定延期去到出年1月尾，以大家健康及公眾健康為大前提，我都希望大家可以喺開心啲嘅氣氛先搞開張，嘉賓朋友嚟到都會安心啲。」阿旦之前還開了按摩院，今日特首林鄭月娥宣佈防疫措施要加辣，將禁食肆6pm後堂食，以及全面封健身室和美容院等處所，阿旦擔心說：「今日一早起身就聽見呢個消息，又要禁止食肆晚上6點後提供堂食同按摩店要關閉，感覺好似一次過斷晒我兩條路咁....我真係感到非常無奈，咁樣對一班自律嘅人好唔公平，無論係業界還是公眾，真係欲哭無淚，希望疫情快啲好轉，相信所有食肆、零售服務性行業等都受到好大打擊，大家要咬緊牙關，迎難而上。」
另外，SIS樂印姊妹成員駱胤鳴原定12月27日與拍拖逾5年的男友Kelvin拉埋天窗，上月20日進行了過大禮儀式，駱胤鳴更在IG分享喜悅，留言：「全世界講一次恭喜！」怎料事隔半個月，駱胤鳴原本喜喜洋洋的IG帳戶，竟然上載了一張怒火中燒，單手抽起未婚夫的相片宣佈：「婚禮要改期了﹗」未婚夫也寫上：「得得得 你冷靜啲」其實一對新人早已作出最壞打算，由起初計劃筵開30席，婚禮由朝早出門直落至晚宴，到因應疫情及政府政策而會計劃改為簡簡單單去做，將可刪減的環節也刪掉，無奈政府的加辣防疫措施，令他們只能決定將婚禮改期。
阿旦無奈將原定本月12日舉行的餐廳開幕禮，延至明年1月。
阿旦的餐廳，樓上有按摩服務。
阿旦的餐廳可以帶愛犬幫襯。
阿旦經營的按摩院又再度應政府要求關閉，將再面對難關。（資料圖片）
駱胤鳴抽起未婚夫怒呼婚禮改期。（IG圖片）
駱胤鳴與男友上月20日才進行過大禮儀式。（IG圖片）
駱胤鳴跟拍拖超過5年的男友，要再計劃婚禮事宜。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！