3年前獲得電影《同班同學》女主角演出機會，令麥芷誼(Koyi)踏上演藝事業高峰，但隨後幕前工作竟然停滯不前，多次試鏡也沒有被揀中，令心灰意冷的她思考自己是否適合幕前工作。在沒有任何收入情況下，她任職兼職售貨員。

幸得彭浩翔及陸以心提議大學時修讀時裝設計的她擔任電影《春嬌救志明》服裝助理一職，Koyi說：「開工之前要準備好啲衫，好多時係24小時咁不停去做，收工之後又要攞啲衫去洗，同埋為下一場嘅服裝作準備。嗰次係一個好難得嘅經驗，亦都令我更加清楚自己最適合仍然係演員，因為我好想用自己個身體，加上表情去將自己嘅嘢演繹出嚟，依家令我更加珍惜每一次能夠演出嘅機會。」

仍然堅持在電影行業中努力，直至大半年前得到新轉機，簽約新經理人公司，而跟Koyi洽談的經理人正是互相認識的行內朋友，有了新公司作後盾，早前她參與了一部電影演出，她說：「部電影仲未有名，係《同班同學》之後另外一次嘅挑戰，係好大膽嘅嘗試，要做出好多內心黑暗層面嘅感覺，一直都好想畀人知道，我係有心去做實力派演員。」

Koyi坦言即使是小角色也會用心思考演繹方法，務求令觀眾欣賞到，但憶述未簽新公司前有一次經歷令她非常深刻，她說：「有一次面試揀中咗我，劇組開出係500蚊一日畀我，嗰刻我有好大嘅掙扎，因為若果唔做就冇戲做，但係最終我都冇揀，原因唔係因為500蚊一日，而係我知道嗰個角色喺劇本裏面連名都冇，所以係唔會有人留意到同冇得發揮。」她自問不想當花瓶演員，希望靠自己努力爭取獲人賞識機會。

當初近乎零工作的時候，家人相當擔心，亦曾經問她幾時放棄轉行，或者認真找一份全職工作，直至去年尾更叮囑她不要再在娛樂圈「玩」。年初遇上新公司出現，工作漸漸穩定下來，稍後將陸續有演出工作，這點令家人安心下來，Koyi亦可以更專心向實力派演員方向進發。

麥芷誼Profile
年齡：26歲
三圍：34B、23.5、35
麥芷誼於2012年讀大學時接拍港台劇《DIY2K》，並開始模特兒工作。2015年首度擔任女主角參演電影《同班同學》，並以「亞洲未來組別」競賽單元影片作品之一，入圍《第28屆東京國際電影節》。

採訪:馬建華
攝影:仇志德
鳴謝化妝及髮型：Cheryl Lee
泳衣：Calzedonia

精選娛聞，喺晒《娛果》
http://fb.com/appledailyent