中秋節食月餅共享天倫之餘，都唔好忘記發吓橫財夢！六合彩中秋金多寶下禮拜四（28日）攪珠，將有6千萬元金多寶，估計頭獎基金有機會高達8千萬元。

最近5次中秋金多寶攪珠，頭獎全部都係以複式彩票中獎，除咗2012及2014年無人中獎，2013年同2015年頭獎都各有半注中，攪出7個字嘅複式電腦彩票；舊年就有1.5注中頭獎，全部都係買8個字複式自選彩票。

近5期中秋金多寶攪珠，原來43號「老是常出現」，分別在2015年、2014年、2012年攪出過，堪稱幸運號碼；其次係15號、26號、38號，在最近5次中秋金多寶都現身過2次。中秋金多寶獎券今起發售，截止售票時間係攪珠日（9月28日）晚上9點15分，記住年滿18歲先可以投注。