張文慈（Pinky）昨晚在無綫節目《東張西望》，重提17歲曾遭同事落藥迷姦一事。Pinky謂，在娛樂圈，每提及性話題時，如果講自己曾遭性侵，「係會多一種壓力」，又自爆曾遭舊公司雪藏，拍戲期間角色被抽起。

Pinky表示為了此事，一直放唔低，故越來越封閉自己，去到30多歲時，更開始有抑鬱，曾經耳鳴，又會突然失控大叫，控制不到情緒：「瞓唔到覺，好唔開心。」直至7、8年前，全靠有信仰才改變自己，之後亦透過多次見證同分享，才慢慢走出陰霾。

作為過來人，Pinky說，性侵案受害者的情緒，是需要發洩出來：「因為如果收埋喺心入面唔講出嚟，係會喺裡面生毒，生苦毒，表面係唔會知，以為冇事，但其實係冇忘記過。」但Pinky補充謂，每個人處理的方法都不同，她本人建議大家去找可信任的朋友說出來，如果有需要，亦可向心理專家求助。

Pinky表示，自己曾受欺凌，故無論是遭性侵還是欺凌，都一定要說出來，因為噤聲就只有繼續受害。在訪問尾聲，Pinky佢更加勉勵大眾：「忘記背後，努力面前，向着標桿直跑，你一定要愛惜自己。」

Pinky以慘痛經歷勉勵受害者，希望大家要積極向前，每一次都需要莫大勇氣，面對家人及輿論。今年8月，Pinky接受無綫節目《今日VIP》訪問時，亦曾提到被性侵嘅事，之後傳媒亦有引述。未幾Pinky在微博撰長文，稱本來想就性侵事件一直沉默，但發現有些報道對她不公平；又指翻炒舊聞令她再受傷害，而最大傷害是來自「看到到很多讀者的流言蜚語，說很多難聽的說話」。

Pinky歎謂，面對家人時感覺好羞恥，本來以為時間可以沖淡一切，但最後係「傷疤一次又一次被揭起」。所以，今次她再接受《東張》訪問，再揭開好不容易結痂的傷口，實在並不容易……

最後，Pinky在訪問中說，如果再一次處理被「迷」事件，她的選擇會是：「一定會報警處理，免得佢（加害者）再害人！」