難怪呢位鐵人話,對悲劇發生感到難過,但各方好友噓寒問暖,令佢親嘗友情可貴,深受感動。
波士頓馬拉松係全球六大馬拉松之一,唔係有錢就有得跑,要跑過認可馬拉松,按年齡達到賽會標準時間先有資格報名。
水哥憶述,2010年曾參加過呢項殿堂級賽事,氣氛熱鬧,當時沿途有超過50萬人圍觀打氣,佢作為馬拉松跑手,諗起令人興奮嘅賽事驟變悲劇,感受尤其深刻。
咁今後會否絕緣美國賽道?水哥都好矛盾,世界六大馬拉松,佢仲差芝加哥同東京兩個地方未跑,佢嘅心願就係跑晒六大馬拉松。照咁講,佢應該仲會飛去美國跑埋芝加哥賽事啦。
世界六大馬拉松之一的倫敦馬拉松本周日舉行,佢祝願賽事能順利舉行,參賽者平平安安,整整齊齊。
李華華
mailto:
[email protected]