快活谷明晚（4日）有八場賽事，全晚焦點當然係雷神復出，佢停賽期間被潘頓連環掃頭馬，彼此距離拉近至七場。

踏入馬季最後四個月，雷神能否重奪冠軍，就要睇呢段時間能否將優勢擴大。

今次賽事共有兩組四班1200米，可以用強弱懸殊來形勢，「馬功臣」檔佳狀態靚，正路馬膽。

第三場四班1200米，睇得上眼只有「馬功臣」，今季一再與谷草1200米強手對壘，淨計前兩仗鬥「超能量」及「壽臣」等惡馬，賽績搬落今場已經好夠用。

再睇上次直路望空後如入無人之境，贏馬姿態非常輕鬆，今次有五個星期回氣，埋門試閘面對「紅衣醒神」有追勢，休息後狀態更上一層樓。

留意埋最近兩朝唔出內圈，專登去彭福公園慢踱儲新鮮感，有別一貫蘇偉賢操練手法，誠意攞滿分。

「明欣賞」今季跑四仗共減七分，跑慣田草1400米，落班轉場縮程跑1200米會賺級數，雖然無出賽三個月但其間有三課大閘，再加埋眼罩動機非常明顯。

其餘再數「隨我來」，純粹狀態見靚。

「心中有您」上次跑1000米，表現似模似樣，唔跑贏過一哩繼續爭短途，拖多注無妨。

-------------------
唔使自己刨得咁辛苦 精選貼士懶人包
即睇【今晚Tip馬夜唔夜】
-------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩